Baskietbalisty «Cmoki-Minsk» paciarpieli šostuju parazu ŭ matčach Adzinaj lihi VTB.

Fota: vk.com/tsmokiminsk

Fota: vk.com/tsmokiminsk

Na placoŭcy staličnaha «Falkon Kłuba» padapiečnyja Alaksandra Krucikava sustrakalisia ź picierskim «Zienitam» i sastupili ź minimalnaj roźnicaj u liku — 81:82 (16:19, 17:18, 21:22, 27:23).

«Prajhravać adzin punkt kryŭdna, prajhravać heta ačko na apošnich siekundach kryŭdniej ŭdvaja. Ale my staralisia! Dziakuj vam za nievierahodnuju enierhiju naprykancy sustrečy!» — źviarnulisia da zaŭziataraŭ minskija baskietbalisty ŭ svajoj supołcy «Ukantakcie».

Z 10 praviedzienych matčaŭ u «Cmokaŭ» 4 pieramohi pry 6 projhryšaŭ. Jany zajmajuć ciapier 7-je miesca siarod 13 udzielnikaŭ turniru, adznačaje BiełTA.

Lidar Adzinaj lihi VTB maskoŭski CSKA, jaki vyjhraŭ usie 10 svaich pajadynkaŭ, siońnia prymie na damašniaj arenie krasnadarski kłub «Łakamatyŭ-Kubań», jaki pakul idzie druhim.

Клас
Панылы сорам
Ха-ха
Ого
Сумна
Абуральна