Čaściej za ŭsio ŭ minułym hodzie samaloty nakiroŭvalisia ź Sieuła na nievialiki kurortny vostraŭ Čedžudo ŭ Karejskim pralivie, bolš za 170 rejsaŭ u dzień

Pa maršrucie Sieuł — Čedžudo ździejśniena bolš 64,991 tys. palotaŭ za 2017 hod, paviedamlaje ŭ svaim dakładzie brytanskaja daśledčaja arhanizacyja OAG Aviation Worldwide Ltd, jakaja skłała śpisy samych papularnych mižnarodnych i ŭnutranych rejsaŭ. Pieršym na dakład źviarnuŭ uvahu Bloomberg.

Palot pa hetym kirunku zajmaje bolš za hadzinu, pasažyraŭ pieravoziać try kampanii — Jeju Airlines, Korean Air i Asiana Airlines. Uličvajučy ahulnuju kolkaść palotaŭ, u dzień na vostraŭ i nazad latajuć 178 samalotaŭ.

Na druhim miescy apynuŭsia aŭstralijski maršrut ź Mielburna ŭ Sidnej — 54,5 tys. palotaŭ u minułym hodzie, 149 rejsaŭ u dzień. Treci pa papularnaści maršrut u Indyi, z Mumbai ŭ Deli, — 47,462 tys. palotaŭ u minułym hodzie.

Jeŭrapiejskija harady ŭ top-20 ŭnutranych maršrutaŭ nie pradstaŭleny, najbujniejšy maršrut u ZŠA — Łos-Andželes - San-Francyska (34,9 tys. rejsaŭ), pry tym, što maršrut Rya-de-Žaniejra - San-Paułu (39,325 tys. rejsaŭ) — samy papularny jak dla Paŭnočnaj, tak i dla Paŭdniovaj Amieryki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?