Dahetul dziŭlusia, jak staŭ artystam. Ja vielmi niepubličny čałaviek, sapraŭdny intraviert! Z zadavalnieńniem schavaŭsia b va ŭłasnym śviecie. Ale raptam stała cikava pisać muzyku, i ja staŭ atrymlivać zadavalnieńnie ad sceny, navat staŭ častkaj taho pracesu, jaki ŭžo nie mahu i nie chaču spyniać. A navošta?

Čytajcie taksama: «Vałasy čałavieka — heta anteny, jakija ŭzmacniajuć jaho ŭpłyŭ na inšych» — FOTAprajekt «Ład žyćcia» z Aleham Chamienkam

Być samim saboju — vialikaja advaha. Nie viedaju, što kažuć pra mianie, nie adčuvaju da hetaha praźmiernaj cikavaści. I kali b uvieś čas dumaŭ pra heta, analizavaŭ kožnuju detal svaich pavodzin, dyk vyhladaŭ by prykładna tak:

Talentaŭ akciorskich u sabie nie naziraju, što pravierana šmat razoŭ. Mnie ciažka raskryvacca dla ŭsich z-za svajoj unutranaj zamknionaści. A voś vypadkova zirnuŭšy na niekatoryja z fota, ja amal pahadziŭsia b i niešta syhrać. Na scenie. U kino. Jak vyklik svajoj intraviertnaści.

Čytajcie taksama: Ihar Varaškievič u FOTAprajekcie «Ład žyćcia»

Strašna, kali raptam niama čym siabie zaniać. Mianie heta łomić!

Kali ja sapraŭdy zły, u mianie minimum mimiki na tvary, minimum! Tamu časam, kab abaranić svaju asabistuju prastoru, davodzicca padklučać bolš žyvuju mimiku. Navat katy razumiejuć…

Mienavita tak vyhladajuć ludzi, kali ŭ ich pytajucca pra visłavuchuju pryncesu. Tolki tak, zapomnicie! I nie pytajciesia bolš…

Čytajcie taksama: «Moj ulubiony sceničny vobraz — spakuśnik. Davodziłasia i ad mužčyn časam uciakać!» Šmat FOTA Źmitra Vajciuškieviča

Čałaviek znutry bačyć siabie adnym, a zvonku… Jon nie moža acanić, jak sam vyhladaje: jon moža apranać lubyja maski, u zaležnaści ad situacyi, nastroju, atačeńnia.

Samy hałoŭny tvoj instrumient — tvaja hałava! Avałodać možna lubym instrumientam, a prydumać, što na im vykanać, — tut biez hałavy anijak. Usio idzie adsiul. Muzyka naradžajecca ŭ hałavie.

Kali znachodzišsia ŭ svaim achoŭnym pierymietry, achoplivajuć ciabie tvorčyja pakuty ci nie, — ty prosta možaš raźniavolicca i zamierci ŭ svajoj cišyni. Lublu hety amal miedytatyŭny stan, kali spyniajecca ŭsio navokał, i ty na 100% rastvaraješsia ŭ prastory, što vakoł ciabie.

Čytajcie taksama: «Časam mnie padabajecca naciahvać masku prydurkavataści». Šmat FOTA Alaksandra Kulinkoviča

O! Vam ža taksama byvaje niajomka za ŭłasnyja dumki? Słovy? Učynki? U takija momanty vyhladaješ jak škadlivy kot.

Mahu patanuć u dobraj muzycy…

Lanota — heta majo ŭsio!!!

Darečy, najbližejšy kancert hrupy «J:Mors» i Prezidenckaha arkiestra Respubliki Biełaruś projdzie 14 lutaha ŭ Prime Hall, muzykanty adyhrajuć admysłovuju viersiju prahramy «Biełaruskaje zołata», prymierkavanuju da Dnia zakachanych.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?