Prezident Turcyi Redžep Taip Erdahan maje namier źniščyć «siły biaśpieki miažy» na poŭnačy Siryi, jakija majuć padtrymku ZŠA, paviedamlaje Reuters.

«Ciapier Amieryka kala našych miežaŭ stvaraje terarystyčnuju armiju, jakaja pahražaje biaśpiecy Turcyi Naša zadača — zadušyć hetaje vojska, pakul jano nie naradziłasia. Kali ZŠA chočuć z hetymi dzikimi istotami naładzić supracoŭnictva — heta ich sprava Ale my hetaha nie dazvolim», — skazaŭ Erdahan, vystupajučy ŭ Ankary.

Jon adznačyŭ, što tureckija vajennyja praciahnuć abstreły pazicyj sił samaabarony siryjskich kurdaŭ u Afrynie.

«Našy US ŭ bližejšy čas, spadziajusia, vyrašać prablemu ŭ Afrynie. Apieracyja tam moža pačacca ŭ lubuju chvilinu», — dadaŭ turecki lider.

Napiaredadni stała viadoma, što kaalicyja stvaraje ŭ Siryi «siły biaśpieki miažy» dla achovy padkantrolnaj joj zony. Meta — padrychtavać kala tryccaci tysiač čałaviek, pry hetym 15 tysiač buduć z «Siryjskich demakratyčnych sił» (SDS), jakija składajucca ŭ asnoŭnym ź siryjskich kurdaŭ. MZS Siryi nazvaŭ dziejańni ZŠA adkrytaj ahresijaj.

Turcyja ŭvachodzić u NATA z 1952 hoda. Adnak u apošni čas z Ankary ŭsio čaściej hučać antyamierykanskija zajavy, a Erdahan demanstruje palityčnaje zbližeńnie krainy z Rasijskaj Fiederacyjaj.

Клас
0
Панылы сорам
0
Ха-ха
0
Ого
0
Сумна
0
Абуральна
0