Prakuratura Homielskaj vobłaści pieradała ŭ sud spravu supołki niepaŭnaletnich chłopcaŭ, jakija znajomilisia ŭ sacsietkach z mužčynami, a paśla ździekavalisia ź ich.

Ahułam u spravie niekalki epizodaŭ, u kožnym udzielničała roznaja kolkaść fihurantaŭ. Usiaho buduć sudzić 11 čałaviek, tolki adzin ź ich paŭnaletni.

Niekatoryja ź ich vučylisia ŭ prafiesijna-techničnych vučelniach, niekatoryja — nidzie. Školnikaŭ siarod padazravanych niama.

Paciarpiełych — troje. Heta maładyja ludzi, ad 22 da 30 hadoŭ.

Viadoma, što chulihany sami vychodzili na suviaź z budučymi achviarami. Jany znajomilisia ŭ internecie, prapanoŭvali sustrecca, namiakajučy na intym. Surazmoŭcy pahadžalisia, pryznačali sustrečy na prypynkach hramadskaha transpartu. Tam ź imi sustrakalisia, advodzili ŭ cichaje miesta, dzie pravodzili «razmovu»: pahražali hvałtam, palivali zialonkaj, zdymajučy heta na videa. Adnamu z paciarpiełych pahalili pałovu hałavy i ablili jaje zialonkaj. Druhoha — prymusili ŭmyć tvar zialonkaj. Hrošy ŭ paciarpiełych nie zabirali.

Padazravanyja «vučyli» svaich achviar «pravilnym» pavodzinam i pahražali vykłaści videa ŭ internet, kali tyja nie zrazumiejuć. Cikava, što paciarpiełyja nie pajšli ŭ milicyju — heta było nie ŭ ich intaresach. Sprava zakruciłasia z padačy pravaachoŭnikaŭ, tolki paśla taho, jak pra «palaŭničych» stała viadoma milicyi.

U vyniku dziejańni padazravanych kvalifikavali jak złosnaje i asabliva złosnaje chulihanstva. Maksimalnaje pakarańnie pa hetych artykułach Kryminalnaha kodeksa — da 6 hadoŭ i da 10 hadoŭ adpaviedna.

Akramia taho, asobnym udzielnikam spravy inkryminujuć kradziež, rabavańni, raspaŭsiud parnahrafičnych materyjałaŭ u internecie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?