U Łos-Andželesie prajšła cyrymonija ŭručeńnia ŭznaharodaŭ Hildyi kinaakcioraŭ ZŠA. Premiju nazyvajuć indykataram imaviernaha pośpiechu na «Oskar»
Akciorski skład filma, Reuters
Film «Try biłbordy na miažy Ebinha, Misury» režysiora Marcina Makdonacha zavajavaŭ hałoŭny pryz Hildyi kinaakcioraŭ ZŠA. Cyrymonija ŭručeńnia ŭznaharod prachodziła ŭ noč na paniadziełak u Łos-Andželesie.
Vykanaŭca hałoŭnaj roli ŭ hetym filmie Frensis Makdormand nazvana najlepšaj aktrysaj. Karcina raspaviadaje pra supraćstajańnie žančyny i ŭładaŭ horada, jakija nie zmahli znajści zabojcu jaje dački.
Najlepšym akcioram Hildyja pryznała Hary Ołdmana za rolu Uinstana Čerčyla ŭ filmie «Ciomnyja časy».
Raniej film «Try biłbordy na miažy Ebinha, Misury» byŭ pryznany najlepšym pa viersii premii «Załaty hłobus». Makdorman i Ołdman taksama byli pryznali najlepšymi aktrysaj i akcioram. «Załaty hłobus», u svaju čarhu, niaredka nazyvajuć repietycyjaj «Oskara».
Cyrymonija ŭručeńnia ŭznaharod premii «Oskar» adbudziecca 4 sakavika.
Učora najlepšym filmam pavodle Hildyi kinapradziusaraŭ byŭ pryznany film «Forma vady» Hiljerma del Tora
