Matevuš Maraviecki padčas adznačeńnia Dnia babuli 21 studzienia 2018 hodu. Fota kancylaryi Maravieckaha
Jak paviedamlaje Biełaruskaja słužba Polskaha radyjo, premjer-ministar Polščy Matevuš Maraviecki padčas telezvarotu z nahody Dnia babuli paviedamiŭ, što jaho prodki pachodziać z vakolic biełaruskaha miastečka Dzisna.
Kiraŭnik Kabinetu ministraŭ Polščy naviedaŭ dom pažyłych ludziej ŭ horadzie Astrałenka, jaki raźmieščany za 120 kilametraŭ ad Varšavy. Žychary doma pačastavali premjer-ministra šarlotkaj i kavaj.
Staršynia ŭradu pažadaŭ polskim babulam i dziadulam spaŭnieńnia maraŭ, šmat zdaroŭja j radaści ad kantaktaŭ z unukami.
Dzień babuli adznačajecca ŭ Polščy 21 studzienia, Dzień dziaduli — 22 studzienia.
Pra pachodžańnie častki svajoj siamji z-pad Dzisny Matevuš Maraviecki havoryć paśla 52-j sekundy videa.
