Fota Julii Mickievič
Pieršaja pałova tydnia ŭ Biełarusi budzie maroznaj, ale ŭžo ź siaredziny tydnia nadvorje pačnie mianiacca: tempieratura pavietra pavysicca, ale nadvorje pahoršycca — čakajecca mokry śnieh, doždž, tumany i hałalod z hałalodzicaj,
raspaviała Tut.by namieśnik načalnika słužby mietearałahičnych prahnozaŭ Biełhidramieta Śviatłana Rybakova.
U aŭtorak nočču budzie da -9 … -15°S, pry jasnym niebie miescami pavietra panizicca da -16 …- 18°S, maksimalnaja dniom -5 …- 11°S.
24 studzienia, u sieradu, nočču da -10 …- 16°S, pry prajaśnieńniach miescami pavietra panizicca da -18°S, maksimalnaja tempieratura dniom -3 …- 9°S; u zachodnich rajonach krainy da -2 … + 1°S.
25 studzienia, na bolšaj častcy terytoryi krainy čakajucca karotkačasovyja apadki ŭ vyhladzie mokraha śniehu i daždžu. Nočču składzie -3 …- 8°S, pa ŭschodzie krainy jana jašče panizicca da -10°S, u zachodnich rajonach načnaja tempieratura ŭžo kala 0°S; maksimalnaja tempieratura dniom składzie -3 … + 3°S.
U piatnicu, 26 studzienia, pieravažna pa paŭnočna-zachodniaj častcy krainy — mokry śnieh, doždž. Taksama čakajucca słabyja tuman i hałalod. Na asobnych učastkach daroh hałalodzica. Tempieratura pavietra minimalnaja nočču składzie 0 …- 6°S, pa paŭdniovym uschodzie jašče pavietra panizicca da -7 ….-10°S, maksimalnaja tempieratura dniom składzie -3 … + 3°S.
