VII Minskaja kanfierencyja Instytuta «Palityčnaja śfiera» Nacyjanalny suvierenitet (1918—2018): ideja i palityčnaja praktyka

Data praviadzieńnia: 18—19 traŭnia 2018 hoda.

Zajaŭki prymajucca da 15.03.2018.

1918 hod źmianiŭ uvieś rehijon Uschodniaj Jeŭropy. Rujnavalisia impieryi i paŭstavali novyja dziaržavy, pierakrojvalisia miežy i kansalidavalisia nacyi. Ideja suvierenitetu i niezaležnaści nabyvała palityčnaje ŭvasableńnie. Dla adnych nacyj bolš paśpiachovaje (Litva, Łatvija, Polšča), dla inšych — mienš (Biełaruskaja Narodnaja Respublika, Ukrainskaja Narodnaja Respublika). Dyskusii pra suvierenitet na hetym, adnak, nie spynilisia, jany zastavalisia važnymi ŭsio XX stahodździe, byli ŭźniatyja na novy ŭzrovień z raspadam sacyjalistyčnaha błoku i SSSR (1990—1991) i znoŭ nabyli aktualnaść paśla pašyreńnia ES u 2004 hodzie. Va ŭmovach novych vyklikaŭ biaśpiecy i miru va Uschodniaj Jeŭropie z pačatkam u 2014 hodzie ŭkrainska-rasijskaha kanfliktu, abvastreńniem stasunkaŭ Rasii ź ES i ZŠA, prablemy suvierenitetu, jaho miežaŭ i tryvałaści, znoŭ patraplajuć u centr uvahi.

Kanfierencyja maje na mecie sistematyzavać ideju i praktyku suvierenitetu va Uschodniaj Jeŭropie, jak u kantekście 100-hadovaha jubileju paŭstavańnia nacyjanalnych dziaržaŭ, tak i ŭ kantekście sučasnych palityčnych i hieapalityčnych vyklikaŭ.

Asnoŭnyja temy dla razhladu:

  1. 1918 hod: ideja suvierenitetu i jaje značeńnie ŭ paŭstavańni novych nacyjanalnych dziaržaŭ va Uschodniaj Jeŭropie.
  2. Ideja suvierenitetu, palityčny kanflikt z centram, adnaŭleńnie nacyjanalnych dziaržaŭ i raspad SSSR, 1990-1991.
  3. Nacyjanalny suvierenitet va Uschodniaj Jeŭropie: vykliki pašyreńnia ES u 2004 hodzie.
  4. Dziaržaŭny suvierenitet va Uschodniaj Jeŭropie — źmieny padychodaŭ i vykliki paśla 2014 hoda.

Pracoŭnyja movy kanfierencyi — biełaruskaja, ruskaja, anhlijskaja, polskaja, ukrainskaja.

Dla padačy zajaŭki na ŭdzieł u kanfierencyi zapoŭnicie formu rehistracyi.

Kali majecie niejkija pytańni, prośba źviartacca na [email protected].

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?