Minski abłasny sud, razhledzieŭšy kryminalnuju spravu pa p. 6 č. 2 art. 139 KK «Zabojstva z asablivaj žorstkaściu», vynies abvinavaŭčy prysud 29-hadovamu chłopcu. Złačynstva adbyłosia ŭ noč na 22 maja ŭ Barysavie. Małady čałaviek pryjšoŭ u hości da znajomaha, pamiž imi zaviazałasia svarka.

— Znachodziačysia ŭ stanie ałkaholnaha apjanieńnia, žychar Barysaŭskaha rajona na hlebie asabistych niepryjaznych adnosin z paciarpiełym nanios jamu 3 ŭdary rukami i nahami i 13 udaraŭ nažom u žyćciova važnyja orhany. U vyniku čaho 28-hadovy paciarpieły paśla pakutaŭ pamior na miescy zdareńnia ad množnych ran šyi, hrudnoj kletki, pravaj kiści, ad straty kryvi i šoku, — kamientuje Julija Łanieŭskaja, staršy prakuror adździeła pa nahladzie za adpaviednaściu zakonu sudovych rašeńniaŭ pa kryminalnych spravach prakuratury Minskaj vobłaści.

Padčas sudovaha pracesu Julija Łanieŭskaja była dziaržaŭnym abvinavaŭcam. Padčas sprečak jana zapatrabavała dla abvinavačanaha pakarańnie ŭ vyhladzie 17 hadoŭ pazbaŭleńnia voli z adbyvańniem u papraŭčaj kałonii va ŭmovach ŭzmocnienaha režymu. Sankcyja pa dadzienym artykule (č. 2 art. 139 KK) praduhledžvaje pakarańnie až da pažyćciovaha źniavoleńnia abo rasstrełu. Vysłuchaŭšy ŭsie baki, Minski abłasny sud pryznaŭ maładoha čałavieka vinavatym u zabojstvie z asablivaj žorstkaściu i prysudziŭ da 16 hadoŭ pazbaŭleńnia voli z adbyvańniem u papraŭčaj kałonii va ŭmovach ŭzmocnienaha režymu.

Prysud nie ŭstupiŭ u zakonnuju siłu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?