Viadomamu rasijskamu futbolnamu kamientataru Vasiliju Utkinu nie daje spakoju tema Biełarusi. Užo niekalki hadoŭ jon karystajecca luboj mahčymaściu, kab ustavić špilku ŭ dačynieńni našaj krainy.
Na hety raz abmiarkoŭvaŭsia futbolny turnir Liha nacyj. Zbornaja Biełarusi pazmahajecca ź Luksiemburham, Małdovaj, San-Maryna i inšymi najsłabiejšymi kamandami Jeŭropy za adnu pucioŭku na kantyntalny čempijanat.
«Niekali isnavaŭ futbolny turnir krain-karlikaŭ. U hetym jość niejkaja niespraviadlivaść, što najmacniejšyja zbornyja pamiž saboj sustrakajucca, a zbornyja maleńkich krain pamiž saboj nie zhulajuć nikoli. Jak my daviedajemsia, jak zhulajuć pamiž saboj Luksiemburh i Lichtenštejn. A čamu, ułasna kažučy, i nie? Čamu jany pavinny nabirać vyklučna statystyku parazaŭ. U rešcie rešt, kudyści i Biełaruś pavinna trapić sa svajoj niastrymanaj dehradacyjaj», — skazaŭ u efiry sport.fm.
Burny raman Vasilija Utkina ź Biełaruśsiu i jaje mikrabłohierami doŭžycca ŭžo niekalki hadoŭ. U 2011 hodzie jon napisaŭ, što trenier Hančarenka pavinien «hareć u piekle», kali na hulniu z «Barsiełonaj» vypuściŭ niekalki dubloraŭ. Paźniej Utkin pamiryŭsia z Hančarenkam. Adnak praciahnuŭ pierapałku ź biełarusami, naprykład, nazvaŭ narod «končanymi pravincyjałami», a krainu «Lesarubijaj».
***
Na telehram-kanał «Našaj Nivy» možna padpisacca tut.
