Rasijskaje infarmacyjnaje ahienctva «Rehnum» nakiravała vielmi rezki adkryty list da pasła Rasii ŭ Biełarusi Alaksandra Surykava.

Užo ŭ pieršym abzacy havorycca, što redakcyja admaŭlajecca nazyvać Surykava «pavažanym». Sprava ŭ tym, što dzieści hod tamu Surykaŭ dastatkova rezka vykazaŭsia pa spravie publicystaŭ «Rehnuma», jakija apynulisia za kratami.

«Vielmi radykalnyja žurnalisty», — tak pasoł acharaktarazavaŭ Juryja Paŭłaŭca, Dźmitryja Alimkina i Siarhieja Šyptenku.

«Hetym svaim publičnym vystupam vy, jak pakazaŭ čas, faktyčna ŭchvalili i dali admašku toj, miakka kažučy, isteryi, za jakoj užo zamacavalisia takija terminy, jak «sprava biełaruskich dziekabrystaŭ», — pišuć «rehnumaŭcy».

«Vy padstavili vaša viedamstva, vy padstavili MZS Rasii i jaho aficyjnaha pradstaŭnika. Vy padstavili našu z Vami krainu — Rasiju», — havorycca ŭ zvarocie.

Naprykancy lista pasłu Surykavu vykazany pratest: «Spadar pasoł, vam usio ž taki 77 hadoŭ. Ci nie para vam na supakoj i na pakajańnie?»

Prysud pa spravie publicystaŭ «Rehnuma» budzie vyniesieny 2 lutaha ŭ Minskim haradskim sudzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?