Hazieta Bild skłała śpis supierzbroi, jakaja isnavała ŭ roznyja epochi. U śpis trapili amierykanskija, rasijskija, kitajskija i inšyja zamiežnyja raspracoŭki. U šort-list trapili jak sučasnyja raspracoŭki, tak i technika, stvoranaja padčas Pieršaj i Druhoj suśvietnych vojnaŭ. Ź niekatorymi ź ich znajomić TUT.BY.

Źniščalnik F-22 Raptor

Na raspracoŭku hetaha źniščalnika syšło kala 30 hadoŭ. U vyniku atrymałasia daskanałaja bajavaja mašyna koštam bolš za 189 młn dalaraŭ. Dziakujučy technałohii małaprykmietnaści hety samalot praktyčna nie bačny na radarach.

Fota: rufabula.com

Fota: rufabula.com

Vałodaje vysokaj manieŭranaściu i vielmi niebiaśpiečny ŭ pavietranym bai, ale pry hetym umieje źniščać naziemnyja celi. Biez vykarystańnia farsažu jon moža lotać z chutkaściu, jakaja ŭ dva razy pieraŭzychodzić chutkaść huku.

B-2 Spirit

U kanstrukcyi hetaha samalota vykarystoŭvajucca stełs-technałohii, a sam jon byŭ stvorany padčas kančatkovaj fazy chałodnaj vajny dla taho, kab nanosić ŭdary jadziernymi bojezaradami ŭ hłybokim tyle praciŭnika.

Dziakujučy śpiecyfičnaj formie (lotajučaje kryło) jon amal niabačny dla radaraŭ praciŭnika. Ekipaž — dva čałavieki, bambavik zdolny pakryć adlehłaść u 11 tysiač kiłamietraŭ biez pramiežkavaj pasadki.

Košt takoha bambardziroŭščyka biez uliku ŭzbrajeńnia i srodkaŭ na raspracoŭku — 700 młn dalaraŭ.

DF-21D

Heta ŭnikalnaja kitajskaja raspracoŭka — rakieta, zdolnaja razhaniacca da 12 000 km/h, a dalokaść pusku składaje 1500 km. Hetu zbroju prazvali zabojcam avijanoscaŭ.

Asablivaść DF-21D u tym, što jaje nie abaviazkova prahramavać adrazu paśla jaje startu. Na dumku vajennych ekśpiertaŭ, užo paśla jaje ŭvachodu ŭ atmaśfieru joj mohuć być pieradadzieny źviestki pra dakładnuju metu.

T-14 «Armata»

Na dumku vajennych ekśpiertaŭ, T-14 «Armata» — adzin z samych sučasnych i efiektyŭnych tankaŭ. Hety ruski tank vałodaje bolš vysokaj chutkaściu, čym amierykanski M1 Abrams i, akramia taho, jak paviedamlaje amierykanski vajenny štotydniovik Army Times, uzbrojeny bolš mahutnaj harmataj.

Fota: in24.org

Fota: in24.org

Pry hetym mohuć prymianiacca roznyja bojeprypasy, u tym liku kiravanyja rakiety, dalokaść strełu jakimi składaje 8000 mietraŭ. Pa dadzienych Army Times, vaha T-14 składaje 48 ton, chutkaść — 80 km/h, u toj čas jak M1 Abrams razhaniajecca da 64 km/h.

Akramia hetych uzoraŭ da supierzbroi sučasnaści vydańnie Bild adniesła avijanoscy, vysokadakładnyja bojeprypasy, bieśpiłotniki, srodki viadzieńnia ličbavaj vajny, izrailskuju sistemu SPA «Žalezny kupał», rasijskuju abjomna-detanujučuju avijacyjnuju bombu, viadomuju jak «baćka ŭsich bombaŭ», i amierykanskuju GBU-43/B Massive Ordnance Air Blast, adpaviedna — «mamu ŭsich bombaŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0