Rasiejcy Jaŭhien Vajciachoŭski i Pavieł Stacko znajšli ščylinu ŭ zakanadaŭstvie dla pryznańnia adnapołaha šlubu ŭ Rasijskaj Fiederacyi. Mužčyny zaklučyli adnapoły šlub u Kapienhahienie, paviedamlaje «Doždž». U hetaj krainie takija šluby dazvolenyja. Vajciachoŭski i Stacko padali dakumienty ab rehistracyi, z zaćvierdžanymi pierakładami ŭ šmatfunkcyjanalny centr pasłuh u Maskvie.

U Siamiejnym kodeksie paznačana, što šluby pamiž hramadzianami Rasii, zarehistravanyja za miažoj, u RF pryznajucca zakonnymi, kali niama abstavinaŭ, jakija pieraškadžajuć aficyjnamu afarmleńniu adnosin.

Usie hetyja abstaviny paznačany ŭ 14 artykule Siamiejnaha kodeksu. Pry hetym u artykule nie paznačana, što adnapoły šlub — akaličnaść, jakaja abmiažoŭvaje. U šmatfunkcyjanalnym centry pasłuh u Maskvie aformili dakumienty. Takim čynam, u Rasii ŭpieršyniu pryznali adnapoły šlub pamiž mužčynami.

Jaŭhien Vajciachoŭski i Pavieł Stacko. Skrynšot z efiru TV «Doždž»

Jaŭhien Vajciachoŭski i Pavieł Stacko. Skrynšot z efiru TV «Doždž»

Adnak čynoŭniki Upraŭleńnia ZAHS Maskvy znajšli chod u adkaz, pakolki ŭ artykule 12 Siamiejnaha kodeksa źmieščanaja farmuloŭka: «Dla zaklučeńnia šlubu nieabchodnyja ŭzajemnaja dobraachvotnaja zhoda mužčyny i žančyny, jakija ŭstupajuć u šlub, i dasiahnieńnie imi šlubnaha ŭzrostu». Pa hetaj pryčynie — śćviardžajuć jany — pastavić piačatku ŭ rasijski pašpart ab zaklučeńni adnapołaha šlubu budzie nielha.

Клас
0
Панылы сорам
0
Ха-ха
0
Ого
0
Сумна
0
Абуральна
0