Prezident Polščy Andžej Duda kaža, što budzie pierahladać zakon, jaki zabaraniaje nazyvać palakaŭ saŭdzielnikami Chałakostu. Taksama hety zakon zabaraniaje nazyvać nacysckija łahiery śmierci «polskimi».
Izrail raskrytykavaŭ hety zakon, tamu što jon istotna abmiažoŭvaje abmierkavańnie ŭdziełu asobnych palakaŭ u Chałakoście.
Z šaści miljonaŭ jaŭreŭ, zabitych padčas Chałakostu, try miljony stracili svajo žyćcio ŭ Polščy. Polšča daŭno śćviardžaje, što łahiery śmierci byli stvoranyja ŭžo paśla niamieckaj akupacyi, tamu nazyvać ich «polskimi» niapravilna.
Zakonaprajekt praduhledžvaje, što za ŭžyvańnie frazy «polskija łahiery śmierci» čałaviek moža być pazbaŭleny voli na try hady.
Pierš čym zakonaprajekt stanie zakonam, jaho pavinien pryniać Sienat i padpisać prezident.
Paśla aktyŭnych pratestaŭ Izraila, Andžej Duda paabiacaŭ «pilna praanalizavać» i pierahledzieć sprečny zakonaprajekt.
