Prezident ZŠA Donald Tramp u svaim vystupie pierad amierykanskim kanhresam z pramovaj «Ab stanoviščy krainy» prakamientavaŭ admienu ŭkazu byłoha prezidenta ZŠA Baraka Abamy ab zakryćci turmy Huantanama.
«Ja tolki što padpisaŭ zahad, jaki patrabuje ad ministra abarony ZŠA Džejmsa Mecisa pierahledzieć našu palityku ŭ vobłaści vajennych zatrymańniaŭ i pakidaje adkrytaj turmu na bazie Huantanama. Ja prašu kanhres zabiaśpiečyć, kab u baraćbie z «Isłamskaj dziaržavaj» i «Al-Kaidaj» u nas zastavalisia ŭsie nieabchodnyja pryłady dla zatrymańnia terarystaŭ, dzie b my nie złavili», — skazaŭ Tramp.
Jon taksama adznačyŭ, što ZŠA «biestałkova adpuskali sotni niebiaśpiečnych terarystaŭ tolki dla taho, kab sustrecca ź imi znoŭ na poli boju, uklučajučy lidara ID al-Bahdadzi».
