Čarhovy aŭkcyjon pa prodažy ŭčastkaŭ pad Minskam projdzie 23 lutaha. Na prodaž vystaŭlajecca 19 łotaŭ sa startavaj canoj učastkaŭ ad 3,6 da 32 tysiač dalaraŭ u ekvivalencie. Samaja cikavaja prapanova — učastak na bierazie Dubroŭskaha vadaschovišča, pobač z kazačnym pałacam u stararuskim styli, pieradaje TUT.BY.
Fota: Alaksandr Vasiukovič, TUT.BY Učastak, vystaŭleny na tarhi, susiedničaje z kazačnym zamkam (na fota sprava).
Niezvyčajny ŭčastak vystaŭleny na tarhi pad łotam №11. Jon adnosicca da Astrašycka-Haradockaha sielsavieta, raźmieščany ŭ vioscy Akolica (susiedničaje z Raŭbičami), maje płošču 9 sotak — tak havorycca ŭ apisańni łota. «I ŭsio b dobra, kali b nie forma ziamielnaha nadzieła — učastak vielmi vuzki i doŭhi, ź nievialikaj placoŭkaj pad lesam», — piša realt.by.
Zrešty, niestandartnaja forma nadzieła kampiensujecca tym, što znachodzicca jon na pieršaj bierahavoj linii vadaschovišča, jakaja słavicca elitnaj zabudovaj. Pobač, z pravaha boku, susied užo adbudavaŭ siadzibu ŭ stararuskim styli. Startavy košt samoha vuzkaha ŭčastka — 12 tysiač dalaraŭ u ekvivalencie.
Fota: realt.by
Fota: realt.by
Fota: realt.by
Taksama na aŭkcyjonie buduć vystaŭleny i inšyja łoty. Samy tanny ŭčastak na starcie prapanuje Juzufaŭski sielsaviet u vioscy Lasiny — 3,6 tysiačy dalaraŭ za 14 sotak biez kamunikacyj.