Na sajcie administracyi Centralnaha rajona stalicy źjaviłasia paviedamleńnie, u jakim apisvajecca budučy abjekt. Žychary Minska mohuć pryniać udzieł u hramadskim abmierkavańni.
Zabudoŭščykam vystupaje ZAT «Kamkon». Kampanija arandavała ŭčastak jašče 10 hadoŭ tamu, ale tolki ciapier ŭziałasia za jaho.
Kiraŭnictva «Kamkona» padzialiłasia z «Našaj Nivaj» vizualizacyjami abjekta, architekturny prajekt jakoha byŭ zrobleny kampanijaj «Varabjoŭ i partniory».
Malunak hety i nižej: «Varabjoŭ i partniory». ZAT «Kamkon» dla nn.by
U moładzievym zabaŭlalnym centry płanujecca raźmiaścić kinateatr, restaran z tancplacoŭkaj, letniaje kafe, biljard, kanfierenc-zału, kniharniu, zonu prodažu suvieniraŭ, vystavačnyja zały, administracyjnyja pamiaškańni. Na dvuch padziemnych uzroŭniach raźmieścicca parkinh.
Pakul na miescy, dzie chutka maje raspačacca budaŭnictva, znachodzicca bunkier, pabudavany niemcami za časami Druhoj suśvietnaj vajny. Paśla jaho vykarystoŭvali savieckija vajskovyja suviazisty. Ciapier bunkier nie vykarystoŭvajecca i znachodzicca ŭ zakinutym stanie.
