U Minsku rejsavy aŭtobus vyjechaŭ za miežy darohi i ŭrezaŭsia ŭ mietaličnuju aharodžu. Pra heta Tut.by paviedamili ŭ DAI HUUS Minharvykankama.

Avaryja adbyłasia 2 lutaha, u 13.00. «52-hadovy kiroŭca rejsavaha aŭtobusa № 23 (Červieński rynak — DS «Lermantava») jechaŭ pa vulicy Mahiloŭskaj z boku vulicy Žukoŭskaha ŭ napramku vulicy Tałstoha pa druhoj pałasie. Sa słoŭ pasažyraŭ, aŭtobus pačaŭ jechać uleva, kali jany zaŭvažyli, što kiroŭca ŭ kabinie lažyć na padłozie», - raspaviali ŭ DAI.

U vyniku aŭtobus najechaŭ na bardziurny kamień, paśla čaho ŭrezaŭsia ŭ mietaličnuju aharodžu. Sutyknieńniaŭ ź inšymi transpartnymi srodkami nie adbyłosia. Pasažyry nie paciarpieli.

Pavodle papiaredniaj infarmacyi, u kiroŭcy zdaryŭsia sardečny prystup. Miedyki ciapier akazvajuć jamu ekstranuju dapamohu.

Клас
0
Панылы сорам
0
Ха-ха
0
Ого
0
Сумна
0
Абуральна
0