Kiraŭnik Sajuza piśmieńnikaŭ Biełarusi Mikałaj Čarhiniec prapanavaŭ pierajmienavać staličnuju vulicu Frunzie ŭ vulicu Bykava. Adnak u Minharvykankamie TUT.BY rastłumačyli, što siońnia ab pierajmienavańni havorka nie idzie, ale vulica Bykava ŭ Minsku ŭsio ž taki moža źjavicca.

Staličnyja čynoŭniki paviedamili, što da ich pastupaje šmat zvarotaŭ z prapanovaj pierajmienavać jakuju-niebudź ź minskich vulic u vulicu Bykava ci nazvać u honar kłasika biełaruskaj litaratury novuju mahistral.

Pry hetym u Minharvykankamie źviartajuć uvahu na zakon «Ab nazvach hieahrafičnych abjektaŭ»:

— U zakonie vyrazna napisana, što takoje pierajmienavańnie nieabchodna ŭzhadniać ź ludźmi, jakija pražyvajuć na hetaj vulicy. Heta vielmi vialikaja prablema, ludziam treba pieraafarmlać usie dakumienty. U tym liku tamu kamisija pa pierajmienavańni i Minski haradski saviet deputataŭ nie padtrymlivaje takija inicyjatyvy. Siońnia ab pierajmienavańni havorka nie idzie.

Zrešty, va ŭpraŭleńni padkreślivajuć, što imiony vydatnych dziejačaŭ biełaruskaj kultury i historyi možna prysvoić novym vulicam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?