Sud Stolinskaha rajona vynies pryhavor u dačynieńni da piaci žycharoŭ Alšan, abvinavačanych va ŭžyvańni hvałtu i chulihanskich dziejańniaŭ u dačynieńni da milicyjanieraŭ, paviedamlaje BiełTA.

Adzin z abvinavačanych pryznany vinavatym u hvałcie i pahrozie ŭžyvańnia hvałtu ŭ dačynieńni da supracoŭnika AUS. Jon pryhavorany da pakarańnia ŭ vyhladzie 3 hadoŭ abmiežavańnia voli biez nakiravańnia ŭ vypraŭlenčuju ŭstanovu adkrytaha typu.

Incydent adbyŭsia 29 lipienia 2017 hoda. Miascovy žychar 1997 naradžeńnia, na matacykle ździejśniŭ DTZ, u jakim paciarpieła małaletniaja adnaviaskoŭka. Na miesca prybyli supracoŭniki DAI, sabrałasia vialikaja hrupa miascovych žycharoŭ. Viaskoŭcy svaimi dziejańniami pieraškadžali pracy milicyjanieraŭ. U adkaz na patrabavańni pakinuć miesca zdareńnia mužčyna 1976 hoda naradžeńnia užyŭ hvałt.

Taksama asudžanyja jašče čaćviora miascovych žycharoŭ, dvoje ź jakich niepaŭnaletnija. Jany paškodzili aŭtamabili DPS. U vyniku Stolinskamu RAUS byŭ naniesieny ŭron na ahulnuju sumu bolš za 1100 rubloŭ, jaki nie byŭ pakryty ŭ chodzie papiaredniaha śledstva. Dvum abvinavačanym pryznačana pakarańnie ŭ vyhladzie 1 hoda 6 miesiacaŭ, dvum inšym — 1 hoda pazbaŭleńnia voli. Pa rašeńni suda, vykanańnie pakarańnia adterminavana. Akramia taho, adnamu ź ich u volny ad pracy i vučoby čas nieabchodna vykanać hramadska karysnyja pracy ŭ abjomie 40 hadzin, druhomu — 80 hadzin.

Клас
Панылы сорам
Ха-ха
Ого
Сумна
Абуральна