Polski partał Onet.pl apublikavaŭ dakumient, jaki paćviardžaje admovu ŭrada ZŠA ad kantaktaŭ z najvyšejšymi słužbovymi asobami Polščy z-za rezanansnaha zakona ab Instytucie nacyjanalnaj pamiaci. Vydańnie admoviłasia raskryvać svaju krynicu ź mierkavańniaŭ biaśpieki.

Zakon, jaki pačaŭ dziejničać 1 sakavika 2018 hoda, uvodzić kryminalnuju adkaznaść za publičnyja vykazvańni ab dačynieńni palakaŭ da Chałakostu ŭ hady Druhoj suśvietnaj vajny. U pryvatnaści, havorka idzie pra vykarystańnie farmuloŭki «polskija łahiery śmierci».

Akramia taho, zabaraniajecca admaŭlać złačynstvy ŭkrainskich nacyjanalistaŭ suprać palakaŭ. Hetaja norma tyčycca Vałynskaj raźni, jakuju Varšava raniej pryznała hienacydam.

U čas sustrečy z pasłom Polščy, namieśnik dziaržsakratara pa pytańniach Jeŭropy i Jeŭrazii Ues Mitčeł zajaviŭ, što abnoŭleny zakon ab Instytucie nacyjanalnaj pamiaci nieprymalny dla ZŠA, pakolki parušaje svabodu słova.

Zychodziačy z hetaha, pasłu paviedamili, što sustrečy na najvyšejšym uzroŭni pamiž kiraŭnictvam Polščy i ZŠA niemahčymyja da ŭrehulavańnia situacyi.

U pryvatnaści, paśla sustrečy ź Mitčełam pasolstva Polščy apublikavała słužbovuju zapisku ad 20 lutaha, pad numaram Z-99/2018, analiz jakoj pravioŭ Parys.

«Z-za važnaści ZŠA dla našaj biaśpieki skłałasia nieprymalnaja situacyja, kali prezidentu ci premjer-ministru nie ŭdajecca kaardynavać dziejańni z hałoŭnym sajuźnikam… Na maju dumku, urehulavańnie sprečki z ZŠA bolš važna, čym sprečka ź Izrailem abo pieramovy ź ES», — havorycca ŭ zapiscy.

Клас
Панылы сорам
Ха-ха
Ого
Сумна
Абуральна