U artykule «Biełaruskaha partyzana» paviedamlałasia, što paśla ŭviadzieńnia novych narmatyvaŭ Jeŭrazijskaha sajuza biełarusaŭ pieraviaduć z masła na palmavy alej.

Zhodna z aŭtarami artykuła, zaraz u marharyn buduć kłaści vyklučna palmavy alej zamiest masła. Maŭlaŭ, Minski marharynavy zavod užo zakupiŭ 600 tysiač ton takoha aleju.

Vyjaviłasia, što artykuł, na žal, mieŭ šerah niedakładnaściaŭ. Prynosim vybačeńni čytačam i tłumačym, što adbyvajecca nasamreč.

Novyja normy sapraŭdy pačali dziejničać. U studzieni 2018 hoda skončyŭsia šaścihadovy pierachodny pieryjad, jaki byŭ praduhledžany, kab vytvorčaść paśpieła pierabudavacca. Ciapier kolkaść trans-izamieraŭ musić być mienšaj — heta praŭda. U praduktach pierapracoŭki raślinnych alejaŭ i žyviolnych tłuščaŭ, uklučajučy tłuščy ryb, pavinna ŭtrymlivacca trans-izamieraŭ tłustych kisłot nie bolš za 2% ad usiaho tłušču ŭ pradukcie.

Ale raniej marharynavy zavod vykarystoŭvaŭ dla vytvorčaści svajoj pradukcyi nie masła, jak śćviardžałasia, a sałamas. Heta ćviordy tłušč, jaki zdabyvajuć z raślinnaha aleju: słaniečnikavaha ci rapsavaha, —

patłumačyli «Našaj Nivie» na Minskim marharynavym zavodzie.

Ciapier sałamas sapraŭdy zamieniać palmavym alejem.

Ale zakupiać jaho nie 600 tysiač ton. Kožny miesiac-paŭtara zavod vykarystoŭvaje kala 300 ton palmavaha aleju. Takim čynam, na hod maksimum treba 3500 ton (a to i mienš).

Pryčym raniej, kali dziejničali staryja normy, palmavy alej usio roŭna šyroka vykarystoŭvaŭsia. Jaho zakuplali tolki ŭ 1,5—2 razu mienš, čym ciapier.

«Chutčej za ŭsio, hetyja novaŭviadzieńni prałabiravali bujnyja rasiejskija pastaŭščyki palmavaha aleju, — padzialiłasia mierkavańniem krynica z administracyi zavoda. — Ale ničoha škodnaha ŭ im niama. Usia Jeŭropa daŭno ŭžo vykarystoŭvaje palmavy alej, i ničoha strašnaha».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?