Na telekanale VVS vyjšła dakumientalnaja stužka pra Uładzimira Pucina. U joj majecca viasioły momant pra Alaksandra Łukašenku.
Praŭdzivaść historyi pakiniem na sumleńni Michaiła Saakašvili i brytanskich aŭtaraŭ stužki «Pucin: novy car».
Saakašvili raspavioŭ u stužcy nastupnuju historyju:
«Heta było ŭ 2006 hodzie, nieŭzabavie paśla taho, jak Uładzimir Pucin pryniaŭ novy zakon, jaki dazvalaŭ KDB zabivać zdradnikaŭ za miežami Rasii, i nieŭzabavie paśla taho, jak Alaksandr Litvinienka byŭ atručany paśla naviedvańnia sušy-bara ŭ Łondanie.
Paśla samitu ŭ Minsku ja byŭ na bankiecie z Pucinym i Alaksandram Łukašenkam. Ja źbiraŭsia ŭ Łondan na sustreču z Toni Błeram i Łukašenka žartavaŭ pra heta.
«Miša, ješcie dobra tut, — jon paraiŭ mnie, — i ničoha nie ješcie ŭ Łondanie, asabliva nie sušy. Navat blizka nie padychodźcie da sušy».
Na hetym Łukašenka nie spyniŭsia.
Jon skazaŭ, što samaja biaśpiečnaja ježa ŭ Pucina, i pieradaŭ talerku Pucina da Saakašvili. U hety momant Pucin razzłavaŭsia, vypuściŭ videlec i skazaŭ, što jon nie mieŭ nijakaha dačynieńnia da zabojstva Litvinienki.
Łukašenka, pažartavaŭ Saakašvili z namiokam na apošni zamach na Skrypala, paraiŭ nie naviedvać nijakija italjanskija restarany ŭ rajonie Sołśbiery.