Sud Lachavickaha rajona siońnia abviaściŭ pryhavor u dačynieńni da miascovaha žychara, jaki abvinavačvajecca ŭ zamachu na byłuju žonku, kab zarazić jaje VIČ-infiekcyjaj, paviedamlaje BiełTA.
U kancy listapada 2017 38-hadovuju žycharku rajcentra nieviadomy ŭdaryŭ u nahu miedycynskim šprycom. Arhanizataram złačynstva byŭ 41-hadovy były muž paciarpiełaj. Napadniku jon zapłaciŭ $50, kab toj z dapamohaj injekcyi ŭvioŭ jaho eks-žoncy kroŭ, zaražanuju VIČ. Chulihan nie davioŭ namier da kanca, pakolki nabraŭ u špryc niezaražanuju kroŭ.
U dačynieńni da byłoha muža byli raspačatyja kryminalnyja spravy. Jamu inkryminavalisia złačynstvy, praduhledžanyja č.4 art.16 (arhanizacyja złačynstva), č.1 art.14 i č.3 st.157 (zamach na zaražeńnie VIČ), č.2 art.295 (niezakonnyja dziejańni ŭ adnosinach da ahniastrelnaj zbroi i vybuchovych rečyvaŭ) KK. Mužčynu asudzili na siem hadoŭ papraŭčaj kałonii ŭzmocnienaha režymu.
Akramia taho, ź jaho spahnany 10000 rubloŭ u jakaści maralnaj škody na karyść paciarpiełaj, a taksama inšyja pracesualnyja vydatki, u tym liku za praviadzieńnie ekśpiertyz.
