PAP

PAP

Čakajecca, što pieršyja kompleksy pastupiać u Polšču ŭ 2022 hodzie. Raniej u Varšavie zajaŭlali, što imknieńnie raźmiaścić Patriot źviazana z płanami Rasii pa pieraŭzbrajeńni rakietnaj bryhady ŭ Kalininhradskaj vobłaści.

Urad Polščy padpisaŭ pahadnieńnie na pastaŭku amierykanskich sistem PRA Patriot u ramkach prahramy «Visła». Pra heta paviedamlaje ahienctva PAP.

Podpis pad dakumientam u prysutnaści prezidenta krainy Andžeja Dudy i premjer-ministra Mateuša Maravieckaha pastaviŭ ministr abarony Maryjuš Błaščak. Padpisany kantrakt ministr pieradaŭ pasłu ZŠA Połu Džonsu.

«Heta histaryčny momant. My abstaloŭvajem polskuju armiju samaj pieradavoj sistemaj abarony ŭ śviecie», — pryvodzić słovy Dudy Bloomberg. Suma ŭhody — $ 4,75 młrd.

ZŠA ŭchvalili pastaŭku ŭ Polšču supraćrakietnych sistem Patriot u listapadzie 2017 hoda. Pieršaja pastaŭka budzie ŭklučać 16 puskavych ustanovak, 4 radyjołakacyjnych stancyi i 208 rakiet. Čakajecca, što pieršyja Patriot pastupiać u Polšču ŭ 2022 hodzie.

Клас
Панылы сорам
Ха-ха
Ого
Сумна
Абуральна