Praciahvajecca rezanans pa spravie chimičnaj ataki na rasijskaha pierabiežčyka Skrypala, jakaja začapiła taksama dziasiatki žycharoŭ anhlijskaha haradka Sołśbiery.

Salidarnaść z Brytanijaj prajavili navat tyja krainy Jeŭrasajuza, jakija majuć asablivyja ekanamičnyja adnosiny z Rasijaj abo tradycyjna zajmajuć miakkuju da Rasii pazicyju.

Siem dypłamataŭ vysyłaje štab-kvatera NATA, raźmieščanaja ŭ Bielhii. Akramia taho, budzie vysłany jašče adzin rasijski dypłamat, jaki pracuje ŭ pasolstvie krainy ŭ Bruseli. Darečy, usiaho na terytoryi Bielhii pracuje prykładna 140 rasijskich dypłamataŭ.

Paśla vahańniaŭ vysyłaje rasijskaha dypłamata taksama Budapiešt, jaki razhladajecca jak adna z prarasijskich krain Jeŭrasajuza.

Vysyłaje rasijskaha dypłamata i Irłandyja, choć hetaja kraina tradycyjna trymajecca niejtralitetu ŭ zamiežnapalityčnych pytańniach. «Kali havorka pra teraryzm, zabojstvy, vykarystańnie chimičnaj zbroi i kibierteraryzm, my nie možam być niejtralnymi», — zajaviŭ premjer-ministr krainy Lea Varadkar.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?