Novy i pakul bieznazoŭny orhan zaŭvažyli vypadkova, analizujučy vyniki zvyčajnaj miedycynskaj pracedury — endaskapii. Hastraenterołahi daśledavali kišačniki pacyjentaŭ z dapamohaj kanfakalnaha łaziernaha endamikraskopa: hety prybor dazvalaje vyvučać mikraskapičnuju strukturu tkanak, nie adździalajučy ich, naŭprost unutry cieła.

U tym miescy, dzie žoŭcievyvodnyja šlachi mielisia być akružanyja ščylnaj adnastajnaj ścienkaj, navukoŭcy vyjavili pieraplacieńnie kanalčykaŭ.

Apisańniaŭ padobnaj struktury ŭ hetym miescy niama ŭ padručnikach pa anatomii, tamu navukoŭcy źviarnulisia pa kansultacyju da śpiecyjalista pa łabaratornaj dyjahnostycy Niła Tejzi ź Miedycynskaj škoły ŭniviersiteta Ńju-Jorka.

Z dapamohaj endaskopa z kanfakalnym łaziernym mikraskopam Tejzi vyjaviŭ padobnyja struktury pad ślizistaj abałonkaj ułasnaha nosa, a taksama ŭ mnohich inšych orhanach pacyjentaŭ: uzdoŭž usiaho stravavalnaha traktu, vakoł mačavoha puchira, arteryj, bronch i źviazkaŭ, pad skuraj — usiudy, dzie złučalnaja tkanka prymacoŭvajecca da inšych tkanak i orhanaŭ.

Pry zvyčajnaj bijapsii sietka kanałaŭ hublaje vadkaść i stanovicca niezaŭvažnaj. Vyniać jaje z arhanizma i vyvučyć ŭ łabaratoryi atrymałasia tolki zamaroziŭšy tkanku pierad bijapsijaj. Sietka apynułasia častkaj padślizistaha płasta — tkanki, jakaja złučaje ciahlicavuju i ślizistuju abałonki i adnačasova — raniej niezaŭvažanym elemientam mižtkankavaje prastory. Jaje kanalčyki zapaŭniaje limfa, a strukturu padtrymlivajuć ščylna ŭkładzienyja adzin na adnaho kałahienavyja vuzielčyki.

Usiu hetuju sistemu aŭtary artykuła prapanujuć razhladać jak samastojny orhan, heta značyć jak hrupu tkanak, jakija vykonvajuć u arhaniźmie śpiecyfičnuju funkcyju.

Mahčyma, asnoŭnaja funkcyja mižtkankavaj sietki kanałaŭ, zapoŭnienych vadkaściu, — źmiakčeńnie udaraŭ, adnak pa ich mohuć raspaŭsiudžvacca i rakavyja kletki. Rolu novaha orhana ŭ mietastazavańni jašče treba budzie ŭdakładnić.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?