Rasijskaje infarmacyjnaje ahienctva Eadaily, viadomaje krajnie impierskaj rytorykaj u dačynieńni da krain-susiedziaŭ Rasii, vypuściła novy tekst, pryśviečany Biełarusi: tema ŭsio taja ž — śviatkavańnie stahodździa BNR. 

U materyjale jość iraničny momant — aŭtar Eadaily hruntoŭna prajšoŭsia pa asobnych piersanažach unutry Biełarusi, jakija lohka paznajucca z apisańnia. 

Aburajučysia masštabam kancertu kala Opiernaha ŭ Minsku, žurnalist padkreślivaje: 

«Dziŭnym čynam taki efiekt nie zmahli sprahnazavać «adekvatnyja dziaržaŭniki», jakija absłuhoŭvajuć miascovyja siłavyja i prapahandysckija struktury. U takich «palitołahaŭ» značna lepš atrymlivajecca asvojvać rasijskija i biełaruskija biudžetnyja hrošy na roznyja prajekty, paralelna udzielničajučy ŭ hanieńniach prychilnikaŭ «ruskaha śvietu» u Biełarusi. I navat kantakty z Jamestown foundation i inšymi fondami, nieanacystami Zachodniaj Jeŭropy i nieajazyčnikami Uschodniaj, a taksama siłavikami roznych krain nie dapamahli hetym dziejačam, jakija ličać siabie ekśpiertami, pradbačyć chacia b pryblizna toje, što adbyłosia na samaj spravie».

Alaksiej Dzierman, Piotr Piatroŭski, Vadzim Hihin i Alaksandr Špakoŭski ŭ efiry rasijskaha telekanała. Ilustratyŭnaje fota.

Alaksiej Dzierman, Piotr Piatroŭski, Vadzim Hihin i Alaksandr Špakoŭski ŭ efiry rasijskaha telekanała. Ilustratyŭnaje fota.

«Ažno da skančeńnia mitynhu ŭ Minsku jany zapeŭnivali, — praciahvaje Eadaily, — što mierapryjemstva la Opiernaha budzie ci małalikim, ci nie adbudziecca zusim, ci nie budzie mieć zajaŭlenaha efiektu. Da hetaha jany ž raspaviadali ŭ dziaržaŭnych i niedziaržaŭnych ŚMI nievierahodnyja historyi ab farmiravańni niejkaj «sajuznaj identyčnaści», ab praryvach džypaŭ sa zbrojaj praz ukrainska-biełaruskuju hranicu, zadavali źjedlivyja pytańni aryštavanym i abvinavačanym u ekstremiźmie «prarasijskim publicystam», hańbili «rasijskich aliharchaŭ», abhruntoŭvali niaŭdałaść adstojvańnia Rasijaj svaich nacyjanalnych intaresaŭ: uvohule, usialak dapamahali ŭładam na prapahandysckim froncie, u tym liku ŭ rasijskim infarmacyjnym poli, na rasijskich telekanałach».

«Nie pryznaŭšy svajoj ekśpiertnaj niepaŭnavartasnaści, jany pieraklučylisia na kamientavańnie vynikaŭ vybaraŭ u Rasii, trahiedyi ŭ Chatyni, pierśpiektyŭ handlu z Hruzijaj i, viadoma ž, niedziejazdolnaści idej BNR — paśla ŭsiaho taho, što adbyłosia ŭ Biełarusi da 25 sakavika i ŭ hety dzień ŭklučna ŭ Minsku, Hrodna, pa ŭsioj respublicy», — padsumoŭvaje aŭtar.

Najchutčej, takim čynam roznyja hrupoŭki «ekśpiertaŭ» zmahajucca za resursnyja płyni. Arhumientacyjaj tut źjaŭlajecca zakładzienaja dumka, što «my možam prasoŭvać ruski śviet lepš za ich».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?