Saudaŭski inviestycyjny sajuz płanuje vyryć kanał na miažy z Kataram, pieratvaryŭšy jaho ŭ vostraŭ, i realizavać turystyčny prajekt u dadzienym rehijonie, paviedamlaje saudaŭskaja hazieta Sabq.
Štučny vostraŭ u Dosie (Katar). Fota © AP Photo / Hassan Ammar
Jak čakajecca, hetyja pracy zojmuć usiaho 12 miesiacaŭ. Na dadzieny momant sajuz čakaje aficyjnaha dazvołu ŭładaŭ.
Šyrynia kanała składzie 200 mietraŭ, hłybinia - 15-20 mietraŭ i daŭžynia - 60 kiłamietraŭ. Takim čynam, padobny kanał zmoža prymać usie vidy marskich sudoŭ. Saudaŭskaja Aravija zmoža źviazać pry dapamozie novaha marskoha šlachu partovy horad karaleŭstva Sałveś i rajon Chur al-Adzidzi, raźmieščanyja pa krajach suchaputnaj miažy z Kataram.
Płanujecca, što na realizacyju hetaha prajekta spatrebicca vyłučyć 2,8 miljarda saudaŭskich ryałaŭ (kala 600 miljonaŭ jeŭra), piša vydańnie.
Zhodna z prajektam, na novych bierahach karaleŭstva buduć raźmieščany kurorty z pryvatnymi plažami i piaci hałoŭnymi hatelami. Akramia taho, u rajonie kanała płanujecca pabudavać novyja party i adkryć dźvie kruiznyja kampanii dla ažyćciaŭleńnia marskich špacyraŭ u inšyja krainy Piersidskaha zaliva. Taksama ŭ rehijonie budzie stvorana svabodnaja handlovaja zona.
Adznačajecca, što kanał budzie naležać tolki Saudaŭskaj Aravii, tak jak jon budzie vykapany na terytoryi karaleŭstva na adlehłaści adnaho kiłamietra ad aficyjnaj linii miažy z Kataram. Učastak sušy na miažy z Kataram budzie słužyć u jakaści vajennaj zony dla abarony karaleŭstva.
Z červienia minułaha hoda Saudaŭskaja Aravija, Jehipiet, AAE i Bachrejn razarvali dypadnosiny z Kataram, abvinavaciŭšy jaho ŭ padtrymcy teraryzmu i spyniŭšy ź im ŭsiakija znosiny.
