Atručanym u Sołśbiery byłomu pałkoŭniku HRU Siarhieju Skrypalu i jaho dačce Julii ułady Vialikabrytanii źbirajucca prapanavać pierajechać u ZŠA i źmianić imiony. Pra heta sa spasyłkaj na krynicy ŭ brytanskim uradzie piša hazieta Sunday Times.
Adpaviednyja pieramovy, pa infarmacyi jaje surazmoŭcaŭ, supracoŭniki brytanskaj vyviedki MI6 ŭžo praviali z rabotnikami amierykanskaha Centralnaha raźviedvalnaha ŭpraŭleńnia (CRU). Pra vyniki hetaha dyjałohu vydańnie nie paviedamlaje, adnak pryvodzić u materyjale słovy adnaho sa svaich krynic: «Im [Siarhieju i Julii Skrypalam] buduć prapanavany novyja imiony», — raspavioŭ surazmoŭca Sunday Times. Padobnaje rašeńnie krynicy haziety patłumačyli sprobaj Łondana «abaranić achviar incydentu ŭ Sołśbiery ad mahčymych nastupnych sprob ich zabić».
Zabiaśpiečyć biaśpieku Skrypalaŭ, jak udakładniajuć surazmoŭcy Sunday Times, Łondan spadziajecca šlacham pierasialeńnia ich u adnu z krain — udzielnic pahadnieńnia «piaci vačej» (prahrama pa zbory dadzienych, adnoj z asnoŭnych met jakoj źjaŭlajecca sačeńnie za terarystami). Tak, siarod mahčymych varyjantaŭ novych miescaŭ žycharstva dla byłoha pałkoŭnika HRU i jaho dački brytanskija ŭłady, jak udakładniaje vydańnie, razhladajuć nie tolki ZŠA, ale i Kanadu, Aŭstraliju i Novuju Ziełandyju. Adnak najbolš «vidavočnym» znajomaja ź situacyjaj krynica Sunday Times u vyviedcy nazvała pierajezd Skrypalaŭ u ZŠA. «Tam budzie mienš mahčymaściej ich zabić», — patłumačyŭ jon, zaŭvažyŭšy taksama, što ŭ Štatach, pa jaho dadzienych, Skrypalaŭ z novymi imionami budzie praściej abaraniać.
