Złučanyja Štaty i Paŭnočnaja Kareja viaduć tajemnyja i pramyja pieramovy ŭ padrychtoŭcy da samitu pamiž prezidentam Donaldam Trampam i lidaram KNDR Kim Čen Ynam, piša Hołas Amieryki.
Aficyjnyja asoby sa Złučanych Štataŭ i Paŭnočnaj Karei ŭžo niekalki razoŭ razmaŭlali i navat sustrelisia ŭ treciaj krainie, kab vyrašyć pytańnie daty pieramoŭ.
Zaprašeńnie Trampu pieršapačatkova pieradaŭ paŭdniovakarejski pasłańnik. Choć Paŭnočnaja Kareja strymałasia ad paviedamleńnia pra adpraŭku zaprašeńnia, aficyjnyja asoby kažuć, što Tramp pryniaŭ zaprašeńnie.
Jak paviedamiła sietka kabielnaha telebačańnia CNN, Paŭnočnaja Kareja paćvierdziła, što Kim Čen Yn choča razmaŭlać taksama ab denuklearyzacyi Karejskaha paŭvostrava.
Pradstaŭniki Paŭnočnaj Karei kažuć, što jany chacieli b, kab abodva kiraŭniki sustrelisia ŭ Pchieńjanie, ale niama ŭpeŭnienaści, ci choča Tramp sustrecca mienavita tam. Tamu zhadana taksama mahčymaść sustrečy ŭ stalicy Manholii Ułan-Batary.
Tramp zajaviŭ, što jon čakaje sustrečy z Kim Čen Ynam. Aficyjnyja asoby miarkujuć, što samit adbudziecca ŭ kancy maja abo ŭ červieni.
