Dziaržava ŭpieršyniu praciahnuła ruku svaim apanentam i vykazała hatoŭnaść pačać dyjaloh z nahody adznačeńnia stahodździa abviaščeńnia niezaležnaści BNR. Pra heta zajaviŭ ministar zamiežnych spraŭ Biełarusi Ŭładzimier Makiej u interviju Euronews, piša «Radyjo Svaboda».

Uładzimier Makiej skazaŭ, što «my žyviem u vielmi cikavy peryjad času», nazvaŭšy stohadovuju hadavinu abviaščeńnia Biełaruskaj Narodnaj Respubliki «vielmi važnaj dataj».

«Niekalki dzion tamu prezydent zrabiŭ šerah zajavaŭ pa hetym pytańni, adznačyŭšy, što abviaščeńnie BNR — heta častka našaj historyi, i my pavinny prymać heta. Ale my nie možam sudzić pradstaŭnikoŭ taho peryjadu, tamu što nie viedajem usich abstavinaŭ, u nas niama poŭnaj infarmacyi, što vielmi važna dla abjektyŭnaha analizu sytuacyi», — skazaŭ kiraŭnik MZS Biełarusi.

Pavodle jaho, kab «sabrać bolš infarmacyi pra tyja padziei», «było arhanizavana mnostva tematyčnych kruhłych stałoŭ, kanferencyj, inšych mierapryjemstvaŭ, a taksama dyskusij u srodkach masavaj infarmacyi». Jon dadaŭ, što «alternatyŭnyja pohlady, pradstaŭlenyja ŭ dyskusijach, paśla byli apublikavanyja».

«U Savieckim Sajuzie hety peryjad našaj historyi aceńvaŭsia nehatyŭna. Mianie, naprykład, vučyli ŭ škole, što kiraŭniki BNR byli zdradnikami, jakija sprabavali ŭstalavać ciesnaje supracoŭnictva z kajzeram, — skazaŭ jon. — ale siońnia dziaržava ŭpieršyniu praciahnuła ruku svaim apanentam, tym, dla kaho hetaja data važnaja. Ŭłady sankcyjanavali mitynh i kancert u samym prestyžnym u Minsku miescy — pablizu Teatra Opery i Baleta. Chočacie vykarystoŭvać symbali BNR — kali łaska, nijakich prablem. Dazvolenyja lubyja pramovy i zajavy».

Makiej asobna adznačyŭ, što «na ščaście, bolšaść kanstruktyŭnych pradstaŭnikoŭ biełaruskaj apazycyi pryniali hetuju prapanovu», ale «jość ludzi, jakija praciahvajuć zachoŭvać niekanstruktyŭnuju pazycyju ŭ adnosinach da ŭładaŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?