Tydzień tamu Biełaruś daviedałasia pra Nastu Vaniejevu, jakaja pa-majstersku hraje na cymbałach, vučyć rasijskich zorak pravilna kazać słova «Biełaruś», a zaadno lubić rodnuju movu. Žurnalisty vyśvietlili, što ŭ Nasty niama svaich cymbałaŭ (jana hraje tolki na tych, što ŭ škole mastactvaŭ). Źjaviłasia adrazu niekalki varyjantaŭ mahčymaha padarunka dla Nasty. Paraiŭšysia z ekśpiertami, błohiery Anton Matolka i Eduard Palčys abrali varyjant užo znajomych Anastasii cymbałaŭ, jakija padaryła Viktoryja Mašlakievič.
Błohiery dumali prosta pryjechać na 5 chvilin, vykazać padziaku, i chutka źjechać nazad. Ale ich sustreła i sama Naścia z mamaj, i jaje nastaŭnica Volha Anatoljeŭna, rabotniki Smarhonskaj dziciačaj škoły mastactvaŭ, i navat miascovyja žurnalisty, dla jakich Nasta arhanizavała mini-kancert.
