Hienieralny prakuror Rasii Juryj Čajka zajaviŭ, što Brytanija abaviazanaja viarnuć Rasii kanfiskavanyja kapitały, jakija naležać niekalkim dziasiatkam rasijan, jakija chavajucca na terytoryi Karaleŭstva.
Jak paviedamlaje Kommiersant, pra heta jon zajaviŭ u vialikim intervju na kanale NTV.
«Z 2002 hoda ŭ Vialikabrytaniju nami nakiravanyja zapyty ab vydačy 61 asoby, jakija abvinavačvajucca ci ŭžo asudžanyja ŭ Rasii za ŭčynieńnie ekanamičnych złačynstvaŭ. Pryčym suma škody składaje bolš za 0,5 trłn rubloŭ (8,6 miljarda dalaraŭ). Heta tolki pramaja škoda. Maštab vyviedzienych za miažu srodkaŭ značna vyšejšy», — zajaviŭ jon.
Pa słovach hienprakurora, šmatlikim fihurantam rasijskich kryminalnych spravaŭ «budzie vielmi ciažka» rastłumačyć pachodžańnie svaich srodkaŭ paśla pryniataha ŭ minułym hodzie «Akta ab kryminalnych finansach» (Criminal Finance Act). U adpaviednaści z hetym zakonam brytanskija ŭłady majuć prava patrabavać rastłumačyć pachodžańnie lubych sum zvyš £50 tysiač ($70 tysiač) i kanfiskoŭvać sumniŭnyja srodki, kali nie atrymajuć dastatkovych tłumačeńniaŭ.
«My spadziajemsia, što hety zakon budzie prymianiacca ŭładami Vialikabrytanii ŭ adpaviednaści z normami cyvilizavanaj dziaržavy, a nie pa pryncypu «rabuj narabavanaje». Heta značyć skrali ŭ Rasii, ciapier Vielikabrytanija zabiare ŭsie ŭ svoj biudžet. Złačyncaŭ mohuć pakinuć sabie, a hrošy viarnicie — heta hrošy našy», — adznačyŭ rasijski hienprakuror.
