U Polščy buduć sudzić ukrainca i palaka, jakich vinavaciać u handli ludźmi, paviedamlaje akruhovaja prakuratura Varšavy.
U pieryjad ź lipienia 2015 hoda pa kastryčnik 2016 hoda jany najmali biełarusaŭ i ŭkraincaŭ dla pracy ŭ hramadskim charčavańni. Jak vyśvietlili śledčyja, achviarami mahli stać niekalki tysiač čałaviek.
Arhanizatary, vykarystoŭvajučy krytyčny finansavy stan ludziej va Ukrainie i Biełarusi, vierbavali ich, a zatym adpravili ich u Polšču pad vyhladam nadziejnaj pracy.
Zavierbavanyja biełarusy i ŭkraincy, nie viedajučy navat polskich zakonaŭ ab pracaŭładkavańni i lehalizacyi znachodžańnia, byli vymušanyja pracavać va ŭstanovach hramadskaha charčavańnia ŭ Varšavie pa 350 hadzin u miesiac. Zarobak im płacili niesvoječasova i nie ŭ poŭnym abjomie.
Na naniatych biełarusaŭ i ŭkraincaŭ taksama ładzili psichałahičny cisk. Niekatorych ź ich prymušali padpisvać raśpiski ab atrymańni hrošaj u doŭh, čym jašče bolš zahaniali ŭ finansavuju zaležnaść.
Arhanizataram pahražaje da 15 hadoŭ źniavoleńnia.
