Źmieny ŭ zakon ab ŚMI zapatrabavanyja biełaruskim hramadstvam. Pra heta zajaviŭ ministr infarmacyi Biełarusi Alaksandr Karlukievič ŭ intervju kanału STV, paviedamlaje BiełTA.
«Hramadzianie našaj krainy, apynuŭšysia ŭ roli paddoślednych trusaŭ, vykazvajuć svaju acenku, unosiać svaje prapanovy, patrabujuć abmiežavać dostup, začynić toj ci inšy resurs»,
— adznačyŭ Alaksandr Karlukievič.
Havoračy ab značnaści źmianieńniaŭ, kiraŭnik Mininfarma padkreśliŭ, što jany zaklikany «ŭsio pryvieści ŭ zakanadaŭčy paradak i zaklikać hramadstva, jakoje nie moža bieź internetu, prosta być cyvilizavanym».
Alaksandr Karlukievič prakamientavaŭ i takuju navacyju jak identyfikacyja karystalnikaŭ, jakija raźmiaščajuć infarmacyju na internet-resursach. Kiraŭnik Mininfarma dadaŭ, što anałahičnyja i nibyta navat bolš žorstkija zakanadaŭčyja normy dziejničajuć u zamiežnych krainach.
