newsbel.by
9 maja ŭ Minsku i abłasnych haradach adbudziecca śviatočny salut. U stalicy sioleta budzie vypuščana 30 załpaŭ z šaści ahniavych kropak: u Parku Horkaha i ŭ Skviery imia Janki Kupały, kala steły «Minsk — Horad-hieroj», u rajonie vioski Zacań, u aeraporcie «Minsk-1» i ŭ vajennym haradku va Uruččy.
Letaś dla fiejervierku na 9 maja było abstalavana na adnu ahniavuju kropku mienš.
Jeŭraradyjo spytała ŭ pres-sakratara hałoŭnaha ŭpraŭleńnia ideałahičnaj pracy Minabarony Uładzimira Makarava, u jakuju sumu biudžetu abychodzicca salut. Adnak, na dumku Makarava, hramadzian naŭrad ci cikavić takaja infarmacyja:
«Ja dumaju, što košt salutu vymiarajecca nie ŭ dołarach, nie ŭ biełaruskich rublach, a ŭ toj biascennaj pamiaci, jakaja simvalizuje adzinstva i źjadnańnie biełaruskaha naroda. Sprava ŭ tym, što na fonie napužanaha terarystami śvietu, na fonie razryvaŭ realnych bomb, realnych kryłatych rakiet, u Biełarusi kali i hučać razryvy, dyk heta huki salutu.
Na maju dumku, bolšaść hramadzian našaj krainy mienavita takim čynam i aceńvaje hetuju simvaličnuju, važniejšuju akcyju, jakaja hurtuje ŭsich ludziej dobraj voli. Kali što i zastałosia ŭ nas na postsavieckaj prastory, heta pamiać pra samuju, mahčyma, najvažniejšuju padzieju historyi nie tolki XX stahodździa. U joj zašyfravanyja adkazy na vielmi šmatlikija pytańni stahodździa ciapierašniaha».
