14 traŭnia vydaviectva «Halijafy» zaprašaje na prezientacyju knihi vieršaŭ Paŭła Sima «Vir».
Vas čakaje ŭtulny paetyčny furšet, padčas jakoha vy zmožacie akunucca ŭ vir žyćciovych padziej, emocyj i pieražyvańniaŭ aŭtara. U siabroŭskaj atmaśfiery Art Siadziby parazmaŭlajem pra knihu i praces jaje stvareńnia. Akramia aŭtara słova voźmuć paet Viktar Žybul i vydaviec Źmicier Višnioŭ.
Impreza adbudziecca 14 traŭnia a 19-j u Art Siadzibie (pr-t Mašerava, 18). Prychodźcie sami i biarycie z saboj siabroŭ! Uvachod volny.
Nabyć knihu vieršaŭ Paŭła Sima možna jak padčas samoj imprezy, tak i ŭ kniharni vydaviectva na Niamizie, 3 (cokalny pavierch, boks 47) i na sajcie halijafy.by.
Vieršy — jak pryznańni
Akunisia ŭ vieršy,
Zazirni mnie ŭ vočy,
Tam ty ŭbačyš pieršym
Toje, što zachočaš.
Ja raźliŭsia ŭ strofach,
Skryhacie suhuččaŭ,
U svaich zarokach,
Daj Boh, nieŭmiručych.
Dumki ŭ ščaści, sumie
Addaju dazvańnia.
Zazirni ŭ dušu mnie:
Vieršy — jak pryznańni.
