U kampanii Facebook prachodzić markietynhavaje daśledavańnie hatoŭnaści karystalnikaŭ płacić za dostup da sacyjalnaj sietki biez rekłamy i palapšeńnie pryvatnaści, paviedamlaje Bloomberg.
Takoje rašeńnie było pryniata paśla skandału z uciečkaj piersanalnych dadzienych.
U kampanii zadumalisia nad tym, kab prapanavać karystalnikam vybar: albo štomiesiac płacić za dostup da sietki i pry hetym nie bačyć rekłamu, abo Facebook budzie dastupny biaspłatna, ale sacyjalnaja sietka budzie pakazvać abjavy i źbirać bolš dadzienych pra čałavieka.
Paviedamlajecca, što takoje daśledavańnie ŭžo pravodziłasia raniej, adnak jano było nakiravana na vyvučeńnie sposabaŭ pavieličeńnia aŭdytoryi. Ciapier ža havorka idzie pra toje, kab prapanavać vybar tym ludziam, jakija nadajuć asablivuju ŭvahu apracoŭcy i vykarystańniu piersanalnych dadzienych.
Zasnavalnik Facebook Mark Cukierbierh pakul nie kamientuje hetu sytuacyju. Jon zajaviŭ, što ŭ Facebook zaŭsiody budzie mahčymaść dostupu biez hrošaj.
