Kanadski śpiecyjalist Dejv Ljuis pakidaje pasadu hałoŭnaha treniera zbornaj Biełarusi pa chakiei. Pra heta paviedamlaje sajt FCHB. Da kanca čempijanatu śvietu abaviazki hałoŭnaha treniera ŭskładzieny na Siarhieja Puškova.
«Paśla niaŭdałaha startu na čempijanacie śvietu, a taksama z ulikam situacyi, u jakoj apynułasia zbornaja Biełarusi pa chakiei z šajbaj, Fiederacyja chakieja Biełarusi i hałoŭny trenier zbornaj Dejv Ljuis pryniali sumiesnaje rašeńnie ab tym, što ŭznačalić zbornuju Biełarusi pavinien inšy śpiecyjalist. Dejv Ljuis ličyć, što źmieny ŭ trenierskaj štabie mohuć nadać kamandzie nieabchodny impuls dla palapšeńnia hulni, tamu pakidaje raźmiaščeńnie zbornaj», - adznačajecca ŭ paviedamleńni Fiederacyi chakieja.
FCHB dziakuje Dejvu Ljuisu za sumiesnuju pracu.
Biełaruskaja zbornaja pieršyja try matčy na ČS prajhrała: Šviecyi (0:5), Francyi (2:6), a 7 maja Rasii (0:6). Napieradzie hulni sa Šviejcaryjaj, Čechijaj, Aŭstryjaj i Słavakija, kab zastacca ŭ elicie treba zaniać nie apošniaje miesca.
Ljuis byŭ pryznačany hałoŭnym trenieram zbornaj Biełarusi ŭ kancy 2014 hoda.
Na ČS-2015 u Čechii biełaruskija chakieisty zaniali 7-je miesca, upieršyniu adoleŭšy zbornuju ZŠA (5:2). Toj čempijanat byŭ najlepšym u historyi, ale ŭ 2016-m i 2017-m kamanda vystupiła niaŭdała, zajmajučy 12-je i 13-je miescy adpaviedna. Bolš za toje, kožny raz zbornaja była na hrani vyletu. U vieraśni 2016 hoda nacyjanalnaja kamanda nie zmahła kvalifikavacca na Alimpijadu, prajhraŭšy Słavienii ŭ Minsku.
Paśla parazy ad Francyi (2:6) Dejv Ljuis nie vyklučyŭ, što zbornaja Biełarusi moža vylecieć z top-dyvizijona.
Siarhiej Puškoŭ źjaŭlajecca hałoŭnym trenieram hrodzienskaha «Niomana». Z haradzienskaj kamandaj rasijski śpiecyjalist dva hady zapar stanovicca čempijonam Biełarusi.
U 2017 hodzie Puškoŭ byŭ pryznany najlepšym trenieram Biełarusi. Na hetym čempijanacie śvietu jon byŭ asistentam Dejva Ljuisa, piša sport.tut.by
