Michael Candelori / Zuma / Global Look Press
Prezident ZŠA Donald Tramp, jak čakajecca, abvieścić u aŭtorak 8 maja, što Złučanyja Štaty vychodziać ź jadziernaj ździełki ź Iranam. Pra heta piša The New York Times sa spasyłkaj na jeŭrapiejskich dypłamataŭ, jakija ŭdzielničali ŭ pieramovach pa hetym pytańni z amierykanskim prezidentam.
U pryvatnaści, surazmoŭcy vydańnia pryznali, što jany nie zmahli pierakanać Trampa ŭ tym, što vychad ZŠA z uhody ź Iranam moža pryvieści Zachad da novaj kanfrantacyi z Tehieranam.
Ahienctva taksama pryvodzić zajavu adnaho z vysokapastaŭlenych jeŭrapiejskich dypłamataŭ, jaki prymaŭ aktyŭny ŭdzieł u sprobach pierakanać Trampa zastacca ŭ damoŭlenaści. Pavodle jaho słoŭ, šancy, što prezident ZŠA zachavaje pahadnieńnie, zastajucca «vielmi maleńkimi».
Napiaredadni viečaram Tramp na svajoj staroncy ŭ Twitter paviedamiŭ dakładnyja terminy svajho rašeńnia. «Ja abviašču svajo rašeńnie pa jadziernym pahadnieńni ź Iranam u Biełym domie 8 maja a 14:00 [21:00 pa Minsku]», - napisaŭ amierykanski prezident.