Adnahadovy łoś zajšoŭ u pramzonu ŭ rajonie vulicy Pietrusia Broŭki ŭ Viciebsku i paraniŭsia ab kalučy drot, paviedamlajuć Narodnyja naviny Viciebska.
Pra zdareńnie paviedamiŭ błohier Alaksiej Andrejanaŭ. Pavodle jaho słoŭ žyviołu sprabavali vyratavać — pryjechaŭ dyrektar viciebskaha zaaparka i ekipaž MNS, jany sprabavali razrezać płot.
Niahledziačy na ŭsie namahańni padčas vyratavalnaj apieracyi łoś pamior. Błohier kaža, što vonkava ŭ jaho pry hetym byli nie vielmi mocnyja paškodžańni. Na jaho dumku žyvioła mahła prakraścisia na terytoryju praz płot, vyšynia jakoha z adnaho boku trochi bolš za mietr. Pieraskočyć aharodžu z druhoha boku łoś užo nie zmoh, tak jak tam jana značna vyšejšaja, a źvierchu naciahnuty kalučy drot.
0
0
0
0
0
0