Alaksandr Łukašenka zajaviŭ ab niedapuščalnaści pasłableńnia adkaznaści ŭ dačynieńni da raspaŭsiudnikaŭ narkotykaŭ. Ab hetym pa vynikach sustrečy z kiraŭnikom dziaržavy raskazaŭ žurnalistam staršynia Viarchoŭnaha suda Valancin Sukała.
«Abmiarkoŭvali pytańni dalejšaj baraćby z narkamanijaj i złačynstvami, źviazanymi z narkotykami. Kiraŭnik dziaržavy adnaznačna adznačyŭ, što pasłableńni ŭ dačynieńni da zbytčykaŭ i raspaŭsiudnikaŭ narkotykaŭ być nijakaha nie moža.
U dačynieńni da spažyŭcoŭ mahčymyja niejkija pasłableńni, — skazaŭ staršynia Viarchoŭnaha suda. — A što tyčycca toj formy, jakaja siońnia vybrana hrupaj maci, to heta źjaŭlajecca niedapuščalnym, heta cisk i ŭmiašańnie ŭ pravasudździe. i heta nie toj sposab, jaki pavinien być u nas».
Valancin Sukała adznačyŭ, što isnuje zakonny paradak razhladu i vyrašeńnia pytańniaŭ pa kožnaj kankretnaj skarzie. Pry hetym jon kanstatavaŭ, što ź liku maci asudžanych, što abviaścili haładoŭku, u Viarchoŭny sud źviartalisia tolki šeść. «Pryčym dźvie atrymali, jak mnie zdajecca, pa skarhach stanoŭčy adkaz. Pakarańnie było źnižana. Tamu jość zakonny sposab zvarotu ŭ Viarchoŭny sud z nahladnymi skarhami pa kožnym kankretnym vypadku. Ale niejkaha pasłableńnia ŭsieahulnaha, asabliva dla raspaŭsiudnikaŭ, jak zajaviŭ kiraŭnik dziaržavy, nie praduhledžana», — skazaŭ staršynia Viarchoŭnaha suda.
Adkazvajučy na pytańnie pra zapłanavanyja abmierkavańni ŭ parłamiencie źmianieńniaŭ u Antynarkatyčnaje zakanadaŭstva, Valancin Sukała skazaŭ: «Havorka išła mienavita pra heta. Kab u tym prajekcie, jaki budzie, praduhledzieć niejkuju mahčymuju palohku tolki ŭ dačynieńni da spažyŭcoŭ».
Staršynia Viarchoŭnaha suda taksama źviarnuŭ uvahu na toj fakt, što i ŭ dziejnym zakanadaŭstvie dla spažyŭcoŭ narkotykaŭ praduhledžany alternatyŭnyja miery pakarańnia, nie źviazanyja z pazbaŭleńniem voli. Tak, sankcyja č.1 art.328 Kryminalnaha kodeksa za niezakonnyja biez mety zbytu vyrab, pierapracoŭku, nabyćcio, zachoŭvańnie, pieravozku abo pierasyłku narkatyčnych srodkaŭ, psichatropnych rečyvaŭ abo ich prekursoraŭ abo anałahaŭ praduhledžvaje pakarańnie ŭ vyhladzie abmiežavańnia voli na termin da piaci hadoŭ abo pazbaŭleńnia voli na termin ad dvuch da piaci hadoŭ.
«Tam pazbaŭleńnie voli pryznačajecca tolki ŭ dačynieńni da 30% asob. Dzie raniej sudzimyja, mahčyma, niejkija asacyjalnyja asoby. A ŭ dačynieńni da astatnich pryznačajecca pakarańnie, nie źviazanaje z pazbaŭleńniem voli. Tak što ŭ pryncypie dla spažyŭcoŭ praktyka pryznačeńnia pakarańniaŭ źjaŭlajecca vytrymanaj i abranaj», — ličyć Valancin Sukała.
«Što tyčycca pakarańniaŭ dla raspaŭsiudnikaŭ, zbytčykaŭ, vytvorcaŭ narkotykaŭ, to, viadoma, tam sankcyi surovyja, ale sudździ vykonvajuć svoj abaviazak. Jany pracujuć u ramkach taho zakona, jaki jość. Jany nie majuć prava karektavać zakon. I jany ad imia dziaržavy vynosiać mienavita tyja pakarańni, jakija praduhledžany ŭ zakonie», - dadaŭ jon.
