U Lisabonie 8 maja projdzie pieršy paŭfinał muzyčnaha konkursu «Jeŭrabačańnie». Pierad startam najbujniejšyja bukmiekierskija kantory pamianiali hałoŭnaha favaryta na pieramohu.
Ciapier joj stała vykanaŭca ad Kipra Elini Furejra. Dziaŭčynie 31 hod, jana hrečanka, ale rodam z Ałbanii. Niekalki razoŭ sprabavała prabicca ad Hrecyi, ale heta joj nie ŭdavałasia. Pieśnia Furejry nazyvajecca «Fuego», što pierakładajecca jak «ahoń». Staŭki na pieramohu kipryjotki prymajucca z kaeficyjentam 3,25 da 1.
Ekscentryčnaja izrailcianka Neta Barziłaj ź pieśniaj Toy adkaciłasia na druhoje miesca. Na jaje prymajuć staŭki z raźlikam 3,75 da 1.
Na trecim miescy narviežac biełaruskaha pachodžańnia Alaksandr Rybak. Jon užo vyjhravaŭ «Jeŭrabačańnie», a ciapier choča zrabić heta paŭtorna. Jaho šancy aceńvajucca jak 7 da 1.
Pradstaŭnik Biełarusi Alaksiejeŭ maje kaeficyjent 101 da 1. Heta akurat siaredzina śpisu.