Stan linij elektrapieradač, kominaŭ TEC dy inšych vysokich abjektaŭ ciažka kantralavać ź ziamli: dzieści zanadta vysoka, dzieści padjechać ciažka. Tamu ŭžo niekalki hadoŭ śpiecyjalisty hrodzienskich elektrasietak uzdymajucca nad abjektami na dronie, piša «Hrodzienskaja praŭda».
Što jany robiać z kvadrakoptaram?
«Hrodnaenierha» nabyŭ kvadrakoptar DJI Phantom 4 letam 2016 hoda, jaho piłotam staŭ Alaksiej Biarnacki, śpiecyjalist pradpryjemstva srodkaŭ dyśpietčarskaha i technałahičnaha kiravańnia. Letam 2017 hoda z dapamohaj drona praviarali jakaść ramontu adnaho z kominaŭ TEC-2 u Hrodnie: vyśvietliłasia, što da vykanaŭcy ramontu byli pretenzii. Taksama z dapamohaj drona nazirali z vyšyni za linijami pieradačy ŭ vakolicach Hrodna, jakija stajać na bałocistaj miascovaści, aceńvali, nakolki chutka zarastajuć prosieki vakoł linij.
Druhi dron u 2017 hodzie nabyli Lidskija elektrasietki - tam ź jaho dapamohaj nazirajuć za vietrakami la Navahrudka.
Pakul ekśpierymient, a kali stanie normaj?
U lutym 2018 hoda «Hrodnaenierha» ŭstupiła ŭ Biełaruskuju fiederacyju bieśpiłotnaj avijacyi, piaciora rabotnikaŭ atrymali pravy piłota i paśviedčańni na kiravańnie kvadrakoptarami. Heta dazvolić nieŭzabavie pierajści da pastajannaha vykarystańnia dronaŭ u paŭsiadzionnaj pracy.
Na respublikanskaj naradzie pa raźvićci enierhasistemy, što prajšła ŭ sakaviku 2018 u Lidzie, było prapanavana pašyryć dośvied hrodziencaŭ na ŭsiu krainu, kab u kožnaj vobłaści elektrasietki karystalisia dronami.
