Aŭtobus «MAZ», jaki ruchaŭsia pa maršrucie «Avijatar» — Kojdanava, zahareŭsia ŭ subotu padčas ruchu ŭ Dziaržynskim rajonie, paviedamlaje mlyn.by.
Aŭtobus, jaki naležyć aŭtaparku Dziaržynska, viečaram 19 maja pryvioz dačnikaŭ na kancavy prypynak «Avijatar» i zabraŭ inšych dačnikaŭ, jakim treba było trapić u Dziaržynsk. Pa šlachu jašče na adnym prypynku taksama ŭvajšli ludzi. Adjechaŭšy ad «Avijatara» niekalki kiłamietraŭ, aŭtobus zahareŭsia. Na miesca prybyli pažarnyja i chutkaja dapamoha.
U aŭtobusie ŭ momant uzharańnia znachodziłasia 20 čałaviek. Kiroŭca i pasažyry nie paciarpieli, ale źniščany sałon i zhareŭ matorny adsiek aŭtobusa.
