Abvinavačany ŭ zabojstvie i zhvałtavańni dziaŭčyny ŭ Minsku prysudžany da 19 hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu, paviedamlaje haradski sud Minska.
22-hadovy žychar Minska, jaki nidzie nie pracavaŭ, zhvałtavaŭ i zabiŭ 21-hadovuju ŭradženku Homielskaj vobłaści, jakaja pracavała ŭ staličnym banku. Ź dziaŭčynaj chłopiec paznajomiŭsia za piać dzion da zabojstva. Pavodle jaho słoŭ, jon adčuvaŭ da jaje simpatyju.
Zhodna z vysnovami śledstva, matyvam zabojstva stała žadańnie schavać ździejśnienaje pierad hetym zhvałtavańnie. Zatym jon źbiraŭsia inscenavać razbojny napad na paciarpiełuju, dla čaho vynies cieła zabitaj u lesaparkavuju zonu pobač z domam i raskidaŭ jaje rečy. Trup u kastryčniku 2017 hoda znajšoŭ kiroŭca taksi.
