Stas zrabiŭ z hliny fihurku Džoni Depa i padaryŭ jaje zorcy padčas vizitu rok-hurta The Hollywood Vampires u Maskvie. «Našaj Nivie» Stanisłaŭ raskazaŭ, što heta było jaho mara ad traŭnia 2015 hoda.
«Džoni Dep byŭ prosta ŭ zachapleńni, dla mianie heta stała niečakanaściu. Davajcie budziem ščyrymi: dzie ja, a dzie Džoni Dep. Ale jon byŭ u šoku. Jon zapytaŭsia ŭ mianie, kolki času ja rabiŭ, adkul ja».
Na hetym supracoŭnictva minskaha majstra z hurtom The Hollywood Vampires nie zakančvajecca. Paśla sustrečy z Džoni Depam jamu zamovili fihurki Džo Pery, Elisa Kupiera.
Stanisłaŭ Nikanovič da hetaha ŭžo daryŭ fihurki ŭłasnaha vyrabu Siarhieju Michałku, Siarhieju Šnuravu, Barysu Hrabienščykovu i Uładzimiru Poźnieru.