Alaksandr Łukašenka zajaŭlaje ab nieabchodnaści značnaha ŭzmacnieńnia padtrymki siemjaŭ ź dziećmi. Pra heta jon zajaviŭ siońnia, razmaŭlajučy z pamiežnikami i ich siemjami pry naviedvańni pahranzastavy «Dzivin» u Kobrynskim rajonie.
Adkazvajučy na adno z pytańniaŭ, kiraŭnik dziaržavy vykazaŭsia za toje, kab zachoŭvać i naroščvać śpiektr padtrymki i lhot dla siemjaŭ ź dziećmi. U pryvatnaści, jon zajaviŭ, što ŭ Biełarusi nie płanujecca skaračać adpačynak pa dohladzie dziaciej da 3-ch hadoŭ, choć navat u mnohich raźvitych krainach śvietu na taki praciahły termin jon nie dajecca.
«Pakul my heta ciahniem. Ale astatnija lhoty, ja miarkuju, treba pradastaŭlać vialikija, kali naradžajecca treciaje dzicia. Vielmi vialikija. Kvatera … Čaćviorty — jašče bolš lhoty. Piaty — biesprecedentnaja lhota. Ja pavoli heta ŭžo pačynaju rabić», - zajaviŭ kiraŭnik dziaržavy
